Kancelarja gjermane Angela Merkel në një intervistë për mediat gjermane ka pohuar se zona “Schengen’ është në rrezik për shkak të refugjatëve.
Kancelarja ka thënë se zona e lëvizjes së lirë “Schengen” mund të mos ekzistojë më, pasi Italia ka refuzuar të nënshkruajë politikën e emigrantëve, gjatë takimit të javës së kaluar në BE.
Gjatë bisedimeve të saj për migracionin në BE, ajo arriti marrëveshje me disa vende, për të kthyer pas nga Gjermania emigrantët, që kanë aplikuar për azil në vende të tjera, si Spanja apo Greqia, por nuk arriti një marrëveshje të tillë me Italinë, raporton Express.
Duke folur për stacionin televiziv gjerman Zdf, Merkel tha: “Kryeministri Conte nuk pranoi të nënshkruante politikën e saj dhe kështu partneri i koalicionit të Merkel, ministri i Brendshëm dhe kreu i Unioni Kristian Social, Horst Seehofer, kërcënoi me dorëheqje dhe me prishje të aleancës 70-vjeçare. “
“Një marrëveshje me Italinë nuk ishte e mundur, Italia dëshiron të reduktojë numrin e emigrantëve që hyjnë në vend. Kryeministri (Giuseppe Conte) tha se ata kishin përshtypjen se ishin lënë vetëm për një kohë të gjatë”.
Kryeministri Conte nuk pranoi të nënshkruante politikën dhe kështu partneri i koalicionit të Merkel, ministri i Brendshëm dhe kreu i Unioni Kristian Social, Horst Seehofer, kërcënoi me dorëheqje dhe me prishje të aleancës 70-vjeçare.
Nga ana tjetër kujtojmë që krerët europianë diskutuan fundjavën e kaluar planet për krijimin e qendrave të kontrolluara në BE, ku refugjatët që hyjnë në Europë do të vlerësohen nëse kërkojnë azil.
Franca dhe Austria refuzuan të ndërtonin qendra në vendet e tyre, duke ia lënë sërish barrën Italisë apo vendeve të tjera të para të pritjes.
Merkel kërkoi që pjesë e marrëveshjes të ishte moslejimi i azilkërkuesve, që të lëviznin lirshëm nëpër BE, mbajtja e tyre në qendra dhe kthimi nëpër vendet e aplikimit për azil i të gjithë atyre që i afroheshin vendeve të tjera.
(E.V/Faxweb.al)
