Vala e të nxehtit afrikan do të jetë e pranishme në vendin tonë gjatë gjithë ditëve të mbetura të këtij muaji. Zonat më të nxehta gjatë së mërkurës pritet që të jenë Tirana, Elbasani, Fieri, Berati, Kuçova, Gjirokastra, Saranda, referuar “Meteoalb”.
Por mesdita e së premtes dhe e shtuna e kësaj jave pritet që të shënojnë kulmin e nxehtësisë, ku temperaturat do të ngjiten mbi 40 gradë Celsius. Të gjendur përballë këtij piku të të nxehtit, të gjithë interesohen se kur do të nisë freskimi i motit.
Pritet ulje e temperaturave vetëm javën e parë të muajit Korrik. Pavarësisht se do të ketë “freskime” 3-4 ditore, muaji Korrik 2017 parashikohet të jetë i nxehtë deri në fund.
(XH.A/SHUPLAKA)
Discussion about this post