Një aksident ka ndodhur mesditën e sotme në Qafe-Muzine, aty ku një furgon ka rënë në gremine dhe për pasojë kanë humbur jetën 5 persona.
Aksidenti ka ndodhur në aksin rrugor Gjirokastër-Sarandë, ne Qafe-Muzine, aty ku furgoni në fjalë, i drejtuar nga shtetasi Bardhi Proda, u përplas me një mjet tip Land Rover dhe më pas përfundoi në greminë.
5 persona që ishin brenda në furgon humbën jetën tragjikisht pas përplasjes së rëndë dhe rënies në greminë.
Pamjet që ka siguruar Fax News nga vendngjarja janë vërtetë të rënda dhe shihet momenti kur ambulanca merr me barrelë një nga viktimat.
Shumë të rënda kanë qenë dhe momentet kur bëheshin përpjekjet për të nxjerrë trupat nga furgoni i shkatërruar, me shpresën se do të ketë ndonjë të mbijetuar.
Njoftimi i policisë:
Gjirokastër/Informacion paraprak.
Njoftohemi se rreth orës 15:30, në rugën nacionale Gjirokastër-Sarandë, në vendin e quajtur Muzinë, mjeti tip “Land Rover” me drejtuese shtetasen R. Ç. është përplasur me mjetin tip furgon me drejtues shtetasin B. P.
Si pasojë e përplasjes mjeti tip furgon ka dal nga rruga dhe ka përfunduar disa metra poshtë rrugës.
Për pasojë kanë humbur jetën 4 shtetas, të cilët ndodheshin në mjetin tip furgon.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
(E.H/Faxweb.al)
