Një aksident rrugor është shënuar paraditen e sotme në aksin rrugor Gjirokastër-Kakavijë, ku dy mjete janë përplasur mes tyre, konretisht një furgon mallrash me një automjet.
Në njërën prej makinave flitet se udhëtonin 5 shtetas nga Vlora, mes tyre dy fëmijë. Këta të fundit nuk janë lënduar.
Si pasojë e aksidentit tek “Kthesa e Jorgucatit”, ka ndërruar jetë një prej tre personave të plagosur. Mësohet se të plagosurit janë dërguar në spitalin rajonal të Gjirokastrës.
Ende nuk dihet shkaku i aksidentit dhe identitetet e të plagosurve dhe i viktimës. Grupi hetimor ka nisur punën për zbardhjen e plotë të ngjarjes. (XH.A/SHUPLAKA)
