Ditën e sotme një furtunë arrestimesh kanë ndodhur në Lezhë, ku mes tyre është shoqëruar drejt Policisë dhe kryebashkiaku Fran Frrokaj.
Mbi të rëndojnë akuzat për ‘shpërdorim detyre’ pasi sipas hetimeve zyrtarët kanë tjetërsuar pronat tek “Rana e Hedhun”.
Ndërkohë duket se rasti është paralajmëruar pak kohë më parë edhe nga ministri i Brendshëm Fatmir Xhafaj që deklaroi në shkurt se do të kishte arrestime lidhur me akuzat për abuzime dhe tjetërsime të pronave.
“Dua t’ju them që jam i shqetësuar, ua thashë edhe njerëzve të Policisë për disa abuzime që janë bërë me tokat këtu, me pronën publike, me vijën bregdetare në zonën e Lezhës posaçërisht. Besoj që hetimet që janë duke u zhvilluar, janë në proces, besoj që do të jenë eficiente, do të jenë të suksesshme. Janë hetime që po bëhen bashkë me Prokurorinë këtu dhe me Prokurorinë e Krimeve të Rënda. Dhe unë shpresoj dhe besoj fort që shkaktarët e kësaj batërdie do të vendosen përpara përgjegjësisë penale”, tha në atë kohë Fatmir Xhafaj.
Pyetja që shtrohet është: nga e dinte ministri aksionin që do të zhvillohej?! (E.K/FAXWEB)
Discussion about this post