‘Furtuna’ në Policinë e Shtetit, Veliu shkarkon 8 drejtues komisariatesh (Emrat)

Policia Shtetit ka vijuar me shkarkimet e disa Drejtorëve të Komisariateve në rang vendi ku deri më tani bëhet me dije se këto ndryshime kanë ndodhur në Komisariatin e Lushnjes, Fierit, Sarandës, Elbasanit, Shkodrës, Peqinit, Përmetit dhe Durrësit.

Mësohet se në Durrës është shkarkuar Alfred Çepe i cili e mbante këtë detyrë që prej vitit 2017 dhe në vend të tij është emëruar Ylli Doda.

Në Përmet mësohet se është shkarkuar drejtori aktual Feliks Hysa dhe përflitet se ai do të zëvendësohet nga nëndrejtori aktual i Komisariatit të Gjirokastrës Koço Dafa.

Ndërkohë në Sarandë mësohet se Syrja Bellaj është emëruar Shef i Komisariatit të këtij qyteti.

Bellaj, vjen në këtë detyrë nga karrierë e mëparshme në Drejtorinë e Policisë së  Qarkut Vlorë si ekspert i kriminalistikës. Ai zëvendëson në këtë detyrë Ilirjan Demaj, i cili drejtoi blutë e Sarandës për një periudhë prej 16 muajsh.

Kujtojmë që në Shkodër që prej të hënës është shkarkuar Vasil Çela dhe është emëruar Lorenc Meta.

(F.GJ/FAXWEB.AL)