Lëvizje të shumta po ndodhin në drejtoritë e policisë së shtetit këtë mesditë.
Pas një mbledhje të drejtuesit të përgjithshëm të Policisë së Shtetit Haki Çako dhe Ministrit të Brendshëm Fatmir Xhafaj mësohet se është vendosur shkarkimi i Ardian Çipës nga posti i Drejtorit të Krimeve.
Po ashtu mësohet se shkarkimet do të prekin dhe drejtues të policisë në 12 qarqet e tjera të vendit. Duhet thënë se nën drejtimin e ministrit Tahiri institucioni i Policisë së Shtetit ka qenë një nga më të kritikuarit për çështjen e drogës dhe krimit në vend.
Çipa ka mbajtur më parë disa poste në Polici, mes tyre dhe atë të kreut të Policisë së Tiranës.
Që prej ardhjes në krye të Ministrisë së Xhafajt janë paralajmëruar lëvizje të shumta në rradhët e Policisë. (E.K/SHUPLAKA)
Discussion about this post