I ftuar ditën e sotme në studion e Fax News me anë të një lidhjeje me Skype më gazetaren Rovena Neziri, ka qenë Besart Logu, anëtari i PD si dhe kandidat për këshillin bashkiak të Tiranës.
Gjatë bisedës në studio, Logu u ndal të fliste për organizimin e fushatës elektorale nga PD dhe si qëndron ajo përball kundërshtareve të saj politik.
Lidhur me ecurinë e fushatës elektorale, dhe si është pritur ajo nga qytetarët, Logu u shpreh se ajo po ecën me intensitet të plotë dhe është pritur mirë nga elektorati ku dhe kanë pasur mundësi të dëgjojnë shqetësimet e banorëve.
“Fushata elektorale vazhdon me intensitet të plotë. Nga daljet në terren çdo ditë e më shumë konstatojmë se si bashkia Tiranë, ka lënë në harresë qytetarët e saj, dhe sidomos zona që kanë qenë tradicionalisht të majta. Ky është një mentalitet i vjetër ku partitë mendojnë se ky është bastioni jonë, dhe i kemi në xhep votat. Është e njëjta praktikë që ka ndjekur edhe zoti Berisha me bastionet e djathta, ku nuk ka pasur invetime për zhvillim në këto zona dhe qytete. Fushata në përgjithësi është pozitiviste, gjuha e përdorur nga zoti Bejko përputhet me idealet e Partisë Demokratike.”, tha Logu.
Përsa i përket deklaratatave të kryetarit të komanduar të PD, Enkelejd Alibeajt se do ishte më mirë të fitonte Rama sesa Berisha , Logu u shpreh se kjo nuk është e vërtetë dhe se Berisha, Rama dhe Meta qëndrojnë si kundërshtarë të barabartë për ta.
“Zoti Alibeaj nuk është shprehur në këtë mënyrë, që Sali Berisha i ka dal për krah PD, në kuptimin e parë dhe të plotë të fjalës, është përball Partisë Demokratike dhe si i tillë, nuk mund ta konsiderojë as si kryetar, as si aleat e as si kundërshtar. Berisha e ka sulmuar me çdo mjet partinë. Nuk ben gjë më shumë Edi Rama apo Ilir Meta, të tre këta janë kundërshtarët tanë politik, në këtë kuptim e ka pasur edhe zoti Alibeaj.”, përfundoi ai.
Logu më fund të intervistës ka bërë thirrje demokratëve kudo në shqipëri të votojnë PD, zyrtare dhe kandidatët e kësaj partie.
Discussion about this post