Fushata e kandidatit republikan për president të SHBA-së, Donald Trump dhe partia e tij mblodhën 130 milionë dollarë në gusht, duke e përfunduar atë muaj me 295 milionë dollarë para në dorë, tha fushata në një deklaratë.
Mbledhja e fondeve ishte pak më e ulët se niveli i korrikut, kur fushata e Trump mblodhi 138.7 milionë dollarë. Ky ishte muaji në të cilin ish-presidenti i mbijetoi një atentati. Në fund të korrikut, fushata e Trump kishte 327 milionë dollarë para në dorë.
Fushata presidenciale Demokratike e Zëvendës Presidentes së SHBA-së, Kamala Harris, e tejkaloi fushatën e Trump në korrik. Shifrat zyrtare të Demokratëve në gusht nuk janë publikuar ende nga fushata e Harris. Të dyja palët po bombardojnë shtetet e fushëbetejës me reklama televizive.
Ngritja e Harris ka ringjallur një fushatë demokratike që ushqeu dyshime për shanset e Biden. Sondazhet treguan se Trump kishte krijuar një epërsi ndaj Bidenit, përfshirë shtetet në fushëbetejë, por hyrja e Harris ka shtrënguar sondazhet.