Sipas Departamentit Amerikan të Drejtësisë, caktimi në këtë detyrë i ish-shefit të Byrosë së Hetimeve, Robert Mueller, është në interesin e publikut, pasi bëhet fjalë për një person jashtë skenës politike.
Si rrallë gjatë kohëve të fundit, emërimi i Mueller, i cili pranoi detyrën dhe tha se do ta kryejë me përgjegjësi, u përshëndet nga të dyja anët e spektrit politik në SHBA. 72-vjeçari Mueller ka shërbyer për 12 vjet si shef i FBI-së nën Presidentët George Bush dhe Barack Obama dhe ai gëzon respekt të thellë në vend. Thirrjet për një prokuror special ishin shtuar ndjeshëm që pas shkarkimit të drejtorit të FBI-së James Comey nga Presidenti Donald Trump.
FBI dhe Kongresi po hetojnë për të zbuluar lidhje të mundshme mes ekipit elektoral të Trump dhe Rusisë, diçka që mori shkas nga zbulimet e inteligjencës amerikane, që beson se Moska tentoi të ndikojë zgjedhjet në favor të republikanit Trump, Raporton Top Chanel.
Shtëpia e Bardhë e kishte kundërshtuar idenë që hetimin ta udhëheqi dikush nga jashtë por Departamenti I Drejtësisë ka këmbëngulur fort në këtë pikë. Mediat amerikane kishin raportuar më herët se Trump ka tentuar të ndërhyjë në hetim. (B.H/Shuplaka)
Discussion about this post