Temperaturat që vijojnë të jenë në vlera të ulëta, kanë përkeqësuar situtatën në disa zona të vendit. Mësohet se në Fushë-Arrëz termometri shënon -19 gradë Celsius ku për pasojë ka shkaktuar probleme me ujësjellësin për shkak të ngrirjes së tubacioneve.
Situata paraqitet problematike edhe në Pukë, ku mjetete duhet të qarkullojnë me zinxhirë në akset nacionale, ndërkohë që akset rurale vijojnë të paraqiten të bllokuara.
Më poshtë iu rendisim akset rrugore në disa zona të vendit me problematikat përkatëse:
Aksi rrugor Qafë Mali-Firzë i kalueshëm me zinxhir.
Në fshatrat Fletë, Dardhë Arës, Miliska dhe Poravë, rënie të orteqeve të dëborës.
Aksi rrugor Bardhet-Iballë dhe Qafë Qerreti-Qelëz i bllokuar për të gjitha mjetet
Aksi rrugor fushë Arrëz-Qafë Shllak i bllokuar, po punohet për hapjen e rrugës.
Aksi rrugor Qafë Çelë-Pukë-Fushë Arrëz, i kalueshëm për të gjitha mjetet me zinxhirë.
Aksi rrugor Hadroi-Qafë Bënë është i kalueshëm me zinxhirë.
Në fshatrat Lufë, Qafë Qerret, Kroj i Zojës dhe Rrape rruga është e bllokuar.
Si pasojë e motit të keq, situata vijon të mbetet problematike edhe në Kukës. Bëhet e ditur se akset rrugore janë të kalueshme me zinxhirë, ndërsa mbeten të bllokuara fshatrat Grykë Çaje, Kalis, Arren, Suroji, Zapodi, Topojani, Shishtaveci, Malzi dhe Lekbibaj.
Ulja e temperaturave dhe për pasojë reshjet e dëborës kanë shkaktuar probleme për qarkullimin rrugor në të gjithë vendin, çka është ndjekur edhe nga mungesa e energjisë elektrike.
Vala e të ftohtit shënoi kulmin e saj ditën e shtunë, kur temperaturat ranë deri -3 gradë në bregdet, deri -7 zona e ulet dhe -15 grade në qytetet e zonave malore. Me fillimin e javës pritet një rritje e lehtë temperaturash, ndërkohë që parashikohet që reshjet në zonat malore dhe lindore të rikthehen në sasi të pakta gjatë datave 10-11 janar. (XH.A/SHUPLAKA)
Discussion about this post