Inspektorati Kombëtar i Mbrojtjes së Territorit ka nisur një aksion në Fushë-Krujë. Në mbështetje të Inspektoratit të Mjedisit, IKMT filloi sot prishjen e furrave të gëlqeres.
Në orët e para të ditës së sotme, IKMT kishte prishur katër furra të tilla, ndërkohë që aksioni vazhdon me ritme të shpejta.
Kujtojmë që janë mbyllur rreth 33 furra pasi janë ndërtuar në mënyrë të paligjshme dhe janë shoqëruar disa persona si përgjegjës për këto aktivitete. Ndërkohë ministri i Mjedisit Blendi Klosi ka paralajmëruar se çdo person që tenton të rihap këto furra të paligjshme do të përballet me forcën e ligjit.
Ministri Klosi i ka ftuar qytetarët të denoncojnë çdo rast abuziv me mjedisin në platformën bashkëqeverisjes .
Discussion about this post