Një shpërthim me tritol ka ndodhur në Fushë-Krujë pak minuta më parë, ku një mjet i parkuar në oborrin e një shtëpie është hedhur në erë.
Sipas burimeve për Fax News bëhet me dije se pronar i mjetit është shtetasi Afrim Ceku, i cili nga informacionet e mbërritura nga policia thuhet se nuk ka konflikte me persona të tjerë.
Shpërthimi me tritol ka ndodhur në lagjen “Hasan” në Fushë Krujë, ku sipas të dhënave një sasi e caktuar eksplozivi është vendosur nën mjet.
Nga të dhënat paraprake bëhet me dije se nga shpërthimi nuk ka viktima por vetëm dëme të konsiderueshme materiale.
Ndërkohë policia ka mbërritur menjëherë në vendin e ngjarjes duke vendosur një perimetër sigurie rreth zonës, si dhe bëhet me dije se po hetohet për zbulimin e shkaqeve dhe identifikimin e kapjen e autorëve të ngjarjes.
Njoftimi i policisë për ngjarjen:
Më datë 27.03.2019, rreth orës 23:10 , në fshatin Hasan , Fushë Krujë, në automjetin e shtetasit A.C., të cilin e kishte parkuar në oborrin e banesës së tij , është vendosur një sasi lendë e dyshuar plasëse , e cila ka shpërthyer dhe si pasojë ka vetëm dëme materiale.
Grupi hetimor vijon punën për zbardhjen e plotë të ngjarjes, identifikimin dhe kapjen e autorit/ ëve.
