Fushë-Krujë sulmohet pika e këmbimit valutor, grabitësit dëmtojnë qepenat

Një tjetër tentativë grabitje pike këmbimi valutor ka ndodhur sot. Ngjarja ka ndodhur në Fushë- Krujë, rreth orës 02:00 të mëngjesit.

Burime zyrtare nga policia thanë se, gjatë natës në Fushë-Krujë, persona të paidentifikuar kanë tentuar të vjedhin pikën e këmbimit valutor në pronësi të shtetasit me inicialet L. Ç.

Grabitësit kanë dëmtuar qepenat, por nuk kanë mundur që të futen brenda për të vjedhur paratë.

Ka qenë pronari i pikës së këmbimit që ka njoftuar policinë. Këta të fundit kanë nisur hetimet dhe po punohet për identifikimin dhe kapjen e autorëve.

(M.Q/Faxweb)