Futbollistin e zë korrenti në dushin e stadiumit, transportohet me urgjenc në spital

Ditën e djeshme u luajt sfida mes Erzenit dhe Beslidhjes, e vlefshme për Kategorine e Parë në Grupin A.

Shijakasit fituan me rezultatin minimal 1-0 ndaj lezhianëve. Mirëpo kur ndeshja u mbyll dhe skuadrat iu drejtuan dhomave të zhveshjes në kampin lezhjan u regjistrua një incident.

Mesfushorin serb të Beslidhjes, Milan Gjorgjeviç e ka zënë korrenti në dush. Menjëherë është njoftuar autoambulanca dhe futbollisti është larguar nga stadiumi në drejtim të spitalit.

Fatmirësisht gjendja e Gjorgjeviç tashmë është e stabilizuar dhe ndodhet në shtëpi, por për të kjo ka qenë një traum.