Partia Demokratike ka ndërmarrë hapa konkretë për reformën zgjedhore, një nga reformat më të kërkuara nga partitë politike.
Lulzim Basha është futur në veprim pasi Kryesia e Grupit Parlamentar të PD-së vendosi sot të depozitojë të hënën në kuvend, kërkesën për ngritjen e komisionit ad hoc parlamentar për reformen zgjedhore.
“Kryesia e Grupit Parlamentar të PD vendosi sot të depozitojë të henën në kuvend, kërkesen për ngritjen e komisionit ad hoc parlamentar për reformen zgjedhore. Në fokus janë dy pika kryesore. Problematikat e zgjedhjeve që kanë të bëjnë me shitblerjen dhe manipulimin e votës, dhe e dyta, votimi elektronik”, mëson “Shuplaka”.
Pas mbledhjes së grupit parlamentar, këtë e ka konfirmuar edhe Edi Paloka në një dalje për mediat ku është shprehur: “Reforma zgjedhore do të jetë fokusi kryesor i PD dhe grupit parlamentar. Menjëherë do bëjmë kërkesën për ngritjen e një komisoni ad hock për reformën zgjedhore, një komision i cili ndër të tjera do të ketë si pikë kryesore apo të rëndësishme votimin dhe numërimin elektronik”.
(J.V/Shuplaka)
