Futja në skemën e TVSH-së, biznesi i vogël ul qepenat, tregtarja: Punoj 16 orë në ditë me kalbësira, po falimentojmë (Video)

Futja në skemën e TVSH-së për të gjitha bizneset që kalojnë xhiron vjetore të 2 milionë lekëve të reja, ka sjellë protestë nga tregtarët e vegjël.

Pas mbylljes së qepenave pak ditë më parë, një tjetër aksion kësaj here më masiv po përfshin të gjitha qytetet e vendit.

Siç ishte paralajmëruar edhe më herët nga Shoqata e Biznesit të Vogël, paraditen e sotme që prej orës 11:00, biznesi i vogël ka ulur qepenat në shenjë proteste.
Në pamjet e siguruara nga Fax Neës, në qytetin e Fierit shihet qartë rruga e mbetur bosh nga mbyllja e bizneseve.

Tregtarët janë shprehur se përfshirja në skemën e TVSH-së, do t’i rrënojë bizneset e tyre.

“Jo se s’punoj, punoj 16 orë. 3 e mëngjesit e deri në 10 të darkës. Është falimentim nga të gjitha llojet. Se përballojmë dot, dyqanin e kam me qera, qeranë e paguaj. Ça të them unë, TVSH është mbi… Unë punoj fruta perime me kalbësira, më shumë hidhet poshtë sesa shes… E ardhmja është falimentim, nuk kam fjalë të flas. Jo se s’duam të punojmë, ndoshta dhe jashtë shtetit është kështu, por mbase u paguajnë asistencë. Unë po s’dola të punoj, nuk kam asnjë lloj të ardhure tjetër.”-është shprehur një nga shitëset në qytetin e Fierit.
https://www.youtube.com/watch?v=OLTpI8uJrzo&feature=youtu.be
(F.G/Faxweb.al)