Fytyra e përzgjedhur e ‘Nike’ për fushatën e re shkakton furtunë reagimesh, mund të zemërojë dhe Trumpin

Vetëm disa orë pasi Colin Kaepernick u njoftua si fytyra e fushatës së re të Nike “Just Do It”, njerëzit nisën të protestonin.

Konsumatorët e mërzitur pas vendimit të Nike reaguan në Tëitter dhe publikuan videot e tyre duke shkatërruar veshjet e tyre që I përkisnin markës ‘Nike’.

Shumë pamje tregonin se njerëzit i vendosnin atletet dhe rrobat e tyre në zjarr ndërsa të tjerët i prenë çorapët.

Një përdorues Tëitter që shkon me emrin Sean Clancy ka postuar video duke treguar një palë këpucë Nike duke u vënë zjarrin.

Vendimi i Nike për të zgjedhur Kaepernick si fytyrën e saj të fushatës ka sjellë zemërim tek disa njerëz për shkak se Kaepernick ishte lojtari i parë i NFL që gjunjëzohej gjatë himnit kombëtar në shenjë proteste kundër racizmit. Madje ‘Nike’ me këtë lëvizje tërheqë zemërimin e Presidentit Donald Trump .

“Kolin ka qenë një atlet i Nike që nga viti 2011,” tha të hënën zëdhënësja e Nike Sandra Carreon-John.

‘Colin është një nga shumë atletë që janë paraqitur si pjesë e 30-vjetorit tonë të ‘Just Do It.’

Kaepernick ishte një qendërmbrojtës me San Francisco për gjashtë vjet. Ai nxiti një polemikë kombëtare duke rënë në gju derisa himni amerikan këndohej përpara ndeshjeve gjatë sezonit 2016 të NFL. Ai e bëri këtë veprim për të tërhequr vëmendjen ndaj vrasjeve të policëve ndaj njerëzve me ngjyrë dhe çështjeve të tjera.

(B.H/Faxweb)