Dalja e parë e tij publike që pas dorëzimit të detyrës si ish-president i SHBA-ve nuk ka qenë ashtu siç mendohej. Ish-presidenti Barack Obama shmangu me kujdes çdo përmendje të presidentit aktual Trump dhe sulmeve të tij mbi Obamën.
Mund të kishte një moment ku Barack Obama do mund të sfidonte akuzat e përgjimit të presidentit Trump, por në vend të kësaj ai zgjodhi të mbajë një “seminar” me një brez të rinjsh, diskutim që kishte në qendër nxitjen e tyre për t’iu bashkuar jetës politike.
“E vetmja gjë më e rëndësishme që mund të bëj”, tha ish-presidenti për një audiencë studentësh, “është të ndihmoj me çdo mënyrë në përgatitjen e brezit të ardhshëm të lidershipit për të marrë shkopin për ndryshimin e botës.”, u shpreh Obama.
Por shmangia e Donald Trumpit në këtë dalje nuk ishte rastësi. Duket se Obama dhe këshilltarët e tij kanë arritur në përfundimin se ballafaqimi tani me Trump do të ishte një gabim politik.
(XH.A/SHUPLAKA)
Discussion about this post