Mesila Doda ka reaguar ndaj deklaratave të fundit të Sali Berishës duke theksuar se dikur Sokol Olldashi kur ishte gjallë bëri një gabim pasi besoi se gara në partinë e tij do ishte e ndershme dhe e paanshme.
“Gabimi i Sokol Olldashit ishte vetem nje. Besoi se gara ne partine e tij do ishte e ndershme dhe e paanshme. Gara e dikurshme ishte thelbesisht e manipuluar dhe e njeanshme, deri ne telefonata personale tek kryetaret e antaret e PD dhe per fat te keq vazhdon te jete e njeanshme edhe sot…
Nuk di ç’vlere ka tani ky debat???? Tani çfaredo te thuhet apo te perpiqet te zbukurohet eshte e pamundur… e verteta eshte para syve te te gjitheve. Paaftesia dhe egoizmi kane zene vend ne krye e nuk shkulen me.”, u shpreh Doda.
Sjellim në vëmendje që Berisha theksoi dje se Olldashi bëri një gabim që i çuditi të gjithë pasi sipas tij i ndjeri u shpre: “Unë kam strukturat tha, kam anëtarësinë, mirëpo i ndjeri”.
“Sokol nuk e realizoi se strukturat nuk ishin më ata që donte anëtarësia sepse të parin që akuzojnë pas humbjes është kryetari. Dhe unë u cudita se pse e bëri këtë zgjidhje. Ai i njihte strukturat që njihte Sokoli, por nuk e bënë kryetar sepse ishin ata që e akuzuan për humbjen.”, u shpreh Berisha dje në intervistën me Çim Pekën. Ishte hera e parë që Berisha artikulonte kaq qartë në lidhje me zhvillimet në PD.
Fjala e plotë:
“Dy momente, s’jam penduar qoftë edhe për një të qintën e milisekondës. Gjatë jetës më ka takuar të marr vendime të rëndësishme, por kurrë nuk kam marrë vendime pa u menduar gjatë. Gjëja që nuk mund të imagjinohet, për asnjë nga vendimet e mia
E vërteta është e rëndomtë kjo që njerëzit besojnë gënjeshtrat e veta. Në mënyrë absolute, as Lulzim Basha as i ndjeri sokol Olldashi nuk janë thirrur nga Sali Berisha për të kandiduar. Që të dy kanë ardhur vetë te Sali Berisha. U kam thënë të njëjtën fjali të dyve: Ky është vendimi juaj, unë nuk kam asnjë punë.
Ua kam bërë të qartë se asnjëri nuk është kandidat i Berishës. Djem të zotë të dy. Fushata ishte e parë e kjo këtij lloji.
Kurrë nuk kanë ardh dhe s’do e kisha pranuar. Për konceptin tim, por nuk kanë ardh tek unë. Sokol Olldashi ka qenë një ndër njerëzit më të zgjuar, i ndjeri bëri një gabim të madh që më cuditi, unë kam strukturat tha, kam anëtarësinë, mirëpo i ndjeri Sokol nuk e realizoi se strukturat nuk ishin më ata që donte anëtarësia sepse të parin që akuzojnë pas humbjes është kryetari. Dhe unë u cudita se pse e bëri këtë zgjidhje. Ai i njihte strukturat që njihte Sokoli, por nuk e bënë kryetar sepse ishin ata që e akuzuan për humbjen.
Asnjë njeri nuk mbështesja dhe asnjë njeriu nuk do t’i përzihesha në garë. Më ka ardhur Eduard Selami dhe i kam thënë që nuk do mbështes njeri, e kam prit Astrit Patozin, por unë nuk mund të përzihem.”, tha Berisha. (J.V/Shuplaka)
Discussion about this post