Gjatë vizitës së djeshme në Itali, vajza e presidentit amerikan Donald Trump, Ivanka, ka bërë një gabim komik që po qarkullon në të gjitha mediat ndërkombëtare.
Në një restorant në Romë, Ivankës i ka bërë përshtypje një foto e varur në mur. Fotoja ishte e ish-futbollistit Giorgio Chinaglia, i cili ka qenë qendërsulmues i Lazios. Për më tepër Chinaglia ka luajtur edhe në SHBA, me New York Cosmos, në periudhën 1976-1983, duke u shndërruar në një nga futbollistët më të famshëm të Amerikës. Mirëpo Ivankës i është dukur si një shenjtor.
“Kush Shenjtor është ky?”, ka pyetur vajza e presidentit të SHBA-ve. Kështu pronares së restorantit i është dashur t’i sqarojë Ivankës se nuk bëhet fjalë për një shenjtor por për një futbollist.
Ndoshta Ivanka ishte pak e turbulluar për shkak të vizitës në Vatikan ku ka takuar Papën e shenjtë, për më tepër fotoja e Chinaglia ishte varur mes një kryqi dhe portretit të Padre Pios. Përveç kësaj, futbollisti shikon në drejtim të qiellit. (D.D/Shuplaka)
Discussion about this post