Në përfundim të mbledhjes që partitë e vogla kanë pasur me ambasadorët, kryetari i Partisë Demokristiane, Nard Ndoka shigjetoi mungesën e ambasadorëve, duke u ndalur në gafën diplomatike të ambasadorit të OSBE-së dhe tek kandidatura e Metës për President të Republikës së Shqipërisë.
Nard Ndoka bëri me dije se i shprehu ambasadorit të OSBE-së Bern Borchardt kritikat për deklaratën e papërgjegjshme mbi numërimin elektronik.
Sa i përket çështjes së Presidentit, pas dështimit të tri raundeve dhe kandidaturës për Metën president, kreu i Partisë Demokristiane tha se pazaret për presidentin janë bërë kohë më parë.
“Ne dhamë kontributin tone. Besoj që ishte e domosdoshme një takim i tillë. Është një problem mbarëshqiptar. Zgjedhje pa opozitën nuk mund të ketë. Folëm për Vettingu-n. Këto nuk janë kërkesa të PD-s, apo teka të PD-së. Gjithashtu i shprehëm edhe gabimet që kryeministri ka bërë në raport me opozitën.
I shpreha ambasdorit të OSBE-së ktitikat për atë që shprehu kur tha se”nuk ka kohë për numërim elektronik”. Nuk janë të unifikuar. Ishte një shprehje e papërgjegjshme e tij, i thamë për këtë gafë diplomatike.
Mazhoranca ka qenë e qartë në axhendën e vet, po luajnë një teatër. Edhe çështja e presidentit e papërgjegjshme, është e qartë për çdo shqiptar. Presidenti, pazar i mbyllur kohë më parë.”, u shpreh Ndoka ndër të tjera.
(XH.A/SHUPLAKA)
Discussion about this post