Një gafë që do të mbahet mend gjatë është shënuar së fundmi në ndarjen e çmimeve “Oscar 2017” në Hollywood. Subjekt i kësaj ngatërrese që padashur shkaktoi mjaft emocione, ishin dy filmat e njohur për publikun, “Moonlight” dhe “La La Land”.
Prej kohësh, “La La Land” është përfolur për çmimin “Oscar” dhe pak orë më parë u duk sikur e fitoi, deri në momentin që u tha se bëhej fjalë për një ngatërresë.
Vetëm pak pasi ky film u shpall fitues i “Best picture”, u komunikua se fituesi i vërtetë ishte “Moonlight”.
“Unë nuk mendoj se jeta ime do të mund të ishte më dramatike se sa ajo ka qenë në ato 20 ose 30 minuta.”, mësohet të ketë thënë regjisori i “Moonlight”, Barry Jenkins.
Përfaqësuesit e të dy filmave kanë shkëmbyer përqafime të ngrohta mes tyre pasi u bë e ditur ngatërresa. (XH.A/SHUPLAKA)
