Pas vendimit të Këshillit Bashkiak Has, që shpalli qytetar nderi Gafur Mazrekun, reagon serish kryeministri Edi Rama.
Kreu i qeverisë ka shprehur keqardhje për sulmet e shëmtuara ndaj tij, lidhur me një vendim të Këshillit Bashkiak të Hasit, me të cilin ai jo vetëm s’ka asnjë lidhje, por e konsideron një provokim të papërgjegjshëm, të kujtdo që e ka propozuar dhe ka miratuar.
Rama ka thënë se nuk ka ansnjë lidhje me vendimin e Bashkisë Has.
Gjithashtu ai i ka konsideruar akuza vulgare që vijnë nga Partia Demokratike.
Kujtojmë që Mazreku ka qenë deputeti i PS-së, në vitin 1997 dhe ka tentuar të qëllojë më armë Azem Hajdarin në Kuvend.
(E.V/Faxweb.al)
