Këshilli iEmërimeve në Drejtësi (KED) i ka nisur Kuvendit listën me kandidatët për kreun e Inespektorit të Lartë të Drejtësisë (ILD), si dhe raportin e arsyetuar për renditjen e kandidatëve.
Ndërkohë mbetet në dorën e ligjvënësve në Kuvend të bëjnë edhe zgjedhjen e fituesit ndërsa kjo është një procedurë e cila duhet të realizohet brenda 30 ditëve nga momenti i dorëzimit të listës.
Kandidatët dhe rezultati për kreun e ILD janë:
1.Artur Metani 89.6 Pikë
2.Eris Hysi 78.3 Pikë
3.Joana Asimi Sorraj 82.5 Pikë
4.Lindita Troja 63.4 Pikë
5.Sokol Stojani 89 Pikë
“Këshilli i Emërimeve në Drejtësi (KED), në datën 26.12.2019, në zbatim të pikës 4 të nenit 147/d dhe pikës 1 të nenit 149/d të Kushtetutës, të pikës 2 të nenit 199, shkronjës “ë” të pikës 2 të nenit 201, nenit 217, të pikës 5 të nenit 229 dhe nenit 239 të ligjit nr. 115/2016 “Për organet e qeverisjes së sistemit të drejtësisë”, i ka përcjellë Kuvendit të Republikës së Shqipërisë për të ushtruar kompetencën e zgjedhjes së Inspektorit të Lartë të Drejtësisë brenda 30 ditëve nga dorëzimi i akteve:
– Listën Përfundimtare të Renditjes së Kandidatëve të Lejuar për Inspektor i Lartë i Drejtësisë,
– Raportin e Arsyetuar për Renditjen e Kandidatëve të Lejuar për Inspektor i Lartë i Drejtësisë,
– si edhe aktet përkatëse të Këshillit të Emërimeve në Drejtësi gjatë procedurës së verifikimit, vlerësimit, pikëzimit dhe renditjes së kandidatëve të lejuar për vendin vakant të Inspektorit të Lartë të Drejtësisë”, njofton KED.
(F.GJ/FAXWEB.AL)
