Gara për SPAK, Donika Prela paraqitet pranë KLP-së

Është paraqitur pranë KLP, kandidatja e fundit për sot, Donika Prela, drejtuese e Prokurorisë për Krime të Rënda.

Prela është kandidatja e gjashtë në radhë për SPAK-un që  do të merret në pyetje nga Këshilli i Lartë i Prokurorisë.

Ndërkohë, rreth dy orë më parë, ka mbaruar në Këshillin e Lartë të Prokurorisë intervistimi i prokuroritë të Krimeve të Rënda, Besim Hajdarmataj. KLP e ka pyetur prokurorin për dosjet më të nxehta, ndër to dosjen “Shullazi”, “Tahiri” dhe “339” (lexo ketu).

Ndërsa prokurori Behar Dibra nuk është paraqitur në Këshillin e Lartë të Prokurorisë për të zhvilluar intervistën në kuadër të krijimit të SPAK.

Dibra ka dërguar pranë KLP-së edhe një letër me arsyet e mos paraqitjes, që sipas tij është i angazhuar me një proces gjyqësor (lexo këtu).

Këshilli i Lartë i Prokurorisë ka zhvilluar dje intervista me 4 kandidatët e parë për Prokurorinë Speciale Antikorrupsion (Spak). Intervistat e 4 prokurorëve u zhvilluan me dyer të mbyllura dhe pa praninë e mediave.

Katër kandidatët e parë për SPAK-un që u morën dje në pyetje ishin Altin Dumani; Anita Jella; Anton Martini dhe Arben Kraja.

Kreu i KLP-së, Gent Ibrahimi tha për gazetarët në fund të procesit, se të gjitha intervistat janë regjistruar me audio dhe me video, por nuk do të bëhen publike. Sipas tij, regjistrimet e intervistave janë pjesë e procesit administrativ që do të përdoren në rastet kur kandidatët apelojnë vendimin e Këshillit të Lartë të Prokurorisë (lexo këtu)

(F.GJ/FAXWEB.AL)