Drejtuesi i Prokurorisë së Vlorës Maksim Sota është një tjetër kandidat që garon për SPAK dhe ditën e sotme është përballur me pyetjet e Këshillit të Lartë të Prokurorisë dhe komisionerët ndërkombëtarë.
Sota e ka nisur detyrën në krye të të Prokurorisë së qytetit jugor në vitin 2010 ndërkohë gjatë intervistës së sotme ka thënë se kandidon për SPAK sepse beson ajo do të ujetë e suksshme nëse do të ketë motivim nga anaëtarët e kësaj strukture në përballje me krimin. Sota tha gjithashtu se në punën e tij ka dashur dhe zgjedhur gjithmonë dosje me peshë dhe të rëndësishme.
“Kam kërkuar gjithmonë të hetoj dosje të vështira dhe të përdor njohuritë e mia në ngritjen e akuzës. Kam mbajtur përgjithësi maksimale për dosjet që kam patur në hetim dhe të cilat kanë përfunduar në gjykatë me vendime të formës së prerë”, tha Sota.
Çfare do të sjell SPAK për prokurorët pjesë së saj? Fakti që vini nga një prokurori me jurisdiksion të përgjithshëm, mendoni se do të keni të vështirë të përvetesoni metodat te posaçme te hetimit?
“I kam përdorur këto metodat, nuk janë të panjohura për mua si në rastin e vjedhjes së BKT në Vlorë”.
Keni marr pjesë në hetime në grup me prokurorë të tjerë?
“Besoj se kjo mënyrë hetimi do të nxjerr një rezultat më të vlefshëm nga ana ligjore”.
Cila është cilësia juaj më e fortë për t’u zgjedhur prokuror në SPAK?
“Vendosmëria, vullneti dhe aftësia ime profesionale për të përballur me dosjet.
Pavërësia e prokurorit është kuptuar dhe zbatuar ashtu siç duhet?
“Besoj se po, është gjëja më e mirë që i është dhënë prokurorit duke e ngarkuar atë me përgjëgjësi drejtpërdrejt”.
Cilat do të jenë sfidat më të mëdha te SPAK?
“SPAK do jetë e suksesshme nëse do të ketë motivimin e anëtarëve të kësaj strukture në përballjen me nivelin më të lartë të krimit”
(F.GJ/FAXWEB.AL)
Discussion about this post