Shkëlzen Gashi dhe Jahmir Hyka janë këtë vit përballë njëri-tjetrit në kampionatin amerikan të futbollit. Dje atyre iu desh të përballeshin në ndeshje direkte me njëri tjetrin, dhe Gashi ka qenë ai që ka rezultuar fitues.
Jo vetëm kaq, Sulmuesi shqiptar ka qenë lider i vërtetë në fushën e lojës duke realizuar dy gola për skuadrën e tij, Kolorado Rapids.
Duhet thënë se kata janë golat e tij të parë në këtë sezon. Ai shënoi golin e parë në minutën e 29 dhe të tretin në minutën e 56, ndërsa Badji shënoi golin e dytë në të 35-tën. Gashi qëndroi në fushë për 90 minuta të plota, ndërsa Hyka e nisi si titullar por u zëvendësuan në minutën e 72-të.
Me këtë fitore, Kolorado Rapids ngjitet në kuotën e 7 pikëve por mbetet në vendin e 11, i fundit, në Konferencën e Perëndimit, ndërsa San Hoze Ërthkuejks mbetet me 15 pikë në vendin e 5-të. (E.K/SHUPLAKA)
