Gashi tregon ëndrrën amerikane: Refuzova Bundesligën dhe Serinë A për MLS-në (VIDEO)

Shkëlzen Gashi ka rrëfyer ekperiencën e tij në kampionatin amerikan, të cilën po e shijon në maksimum.

Sulmuesi i kuqezinjëve ka treguar se ka refuzuar oferta të mëdha në aspektin futbollistik dhe ekonomik për tu transferuar në MLS.

”Kam lënë pas një vit fantastik, kam fituar disa çmime, ja kam dalë të ndihmoj skuadrën me paraqitjet e mia në fushë dhe për këtë jam shumë i lumtur. Kisha kërkesa nga Seria A dhe Bundesliga, por unë doja të përjetoja diçka ndryshe. Zgjodha një aventurë të re drejt një vendi ku kaloj pushimet dhe ku jetojnë disa miq të mitë”, shtoi ai.

28-vjeçari thotë se ëndrra e tij është ishte të luante në Amerikë ndaj ai zgjodhi Kolorado Rapids pavarësisht ofertave që kishte për në Dubai apo Europë.

“Kur më erdhi oferta nga Colorado nuk u mendova dy herë dhe nuk e bëra këtë zgjedhje absolutisht për para, sepse nëse do të zgjidhja anën ekonomike do të isha transferuar në Kinë ose Dubai”, deklaroi Shkëlzen Gashi.

Ish-lojtari i Bazelit shënoi me Kolorado Rapids 10 gola në 30 ndeshje. Futbollisti shqiptar gjithastu pati një vit të shkëlqyer ku arriti të fitonte disa çmime personale.