Gati 50 njerëz janë vrarë në Indi dhe Nepal për shkak të goditjeve të rrufesë, breshërit dhe shiut të dendur , njoftuan mediat lokale.
Të paktën 25 njerëz u vranë në zona të ndryshme të shtetit lindor indian të Biharit të enjten kur rajoni u godit nga rrufeja dhe stuhitë e breshërit, njoftoi agjencia e lajmeve PTI.
Zyra e kryeministrit të shtetit konfirmoi gjithashtu numrin e të vdekurve në një deklaratë, por ish-zëvendëskryeministri Tejashwi Yadav pohoi se më shumë se dyfishi i këtij numri kishin humbur jetën.
“Jam thellësisht i pikëlluar nga vdekjet tragjike të më shumë se 50 njerëzve në incidente të ndryshme të stuhisë, shiut, rrufesë, shembjes së pemëve dhe mureve në Bihar. Shpreh ngushëllimet e mia më të thella,” shkroi ai në Hindi në X.
Të paktën 22 persona u vranë në pjesë të ndryshme të Uttar Pradesh, raportoi Hindustan Times.
Një foshnjë 9-muajshe u vra gjithashtu pasi rrufeja goditi një shtëpi në distriktin Bajura të provincës Sudurpashchim të Nepalit, ndërsa nëna e saj u plagos, raportoi e përditshmja Rising Nepal.
Shiu dhe stuhitë shkaktuan gjithashtu ndërprerje të energjisë në provincat e prekura.
