Një ndër dështimet më të mëdha të Milanit në vitet e fundit ka qenë padyshim Andrea Bertolacci, i cili u ble për plot 20 milionë euro nga Roma dhe kurrë nuk arriti të ishte protagonist në “San Siro”.
Në fund të këtij sezoni, mesfushori mbeti pa ekip, pasi i përfundoi kontrata me Milanin. Gjithsesi, duket se vuajtjet e Bertolaccit do të marrin fund, pasi siç raporton “Sky Sport”, italiani do të kalojë te Sampdoria.
Gjithçka duket e mbyllur, me 28-vjeçarin që do të provojë të rikthehet në formën e tij të dikurshme, tashmë me fanellën e Sampdorias.
