Gaz lotsjellës e dhunë në kufirin me Turqinë, policia greke mban larg refugjatët sirianë

Policia greke hodhi gaz lotsjellës në drejtim të emigrantëve që ishin mbledhur në kufirin e saj me Turqinë dhe duke kërkuar të hyjnë, pasi një krizë mbi Sirinë u zhvendos papritur në pragun e Bashkimit Evropian.

Emigrantët shihen teksa përleshen me policinë greke, në vendkalimin kufitar mes Turqisë dhe Greqisë

Qeveria Greke përsëriti premtimin e saj për të mbajtur emigrantët jashtë.

“Qeveria do të bëjë gjithçka që duhet për të mbrojtur kufijtë e saj,” u tha zëdhënësi i qeverisë Stelios Petsas gazetarëve, duke shtuar se në 24 orët e kaluara autoritetet greke kishin shmangur përpjekjet e 4,000 njerëzve për të kaluar.

Imazhet e drejtpërdrejta nga televizionet greke shfaqnin një përleshje mes emigrantëve të cilët u gjuanin policëve gurë dhe këta të fundit përgjigjeshin me gaz lotsjellës.

Një zyrtar i qeverisë turke tha të enjten se Turqia nuk do të përmbajë më qindra mijëra azilkërkues pasi një sulm ajror në Idlib në Siri vrau 33 ushtarë turq.

Pothuajse menjëherë, kolona njerëzish u shfaqën duke shkuar drejt kufijve tokësorë grekë dhe detit të premten.

Rreth 3,000 njerëz ishin mbledhur në anën turke të kufirit në Kastanitë, sipas një zyrtari të qeverisë Greke. Kastani shtrihet pak më shumë se 900 km (550 milje) në veri-lindje të Athinës.

Greqia, e cila ishte një portë kryesore për qindra mijëra azilkërkues në 2015 dhe 2016, ka premtuar se do t’i mbajë jashtë emigrantët.

Sidoqoftë, Presidenti turk Tayip Erdogan tha të Shtunën se rreth 18,000 migrantë kishin kaluar kufijtë nga Turqia në Evropë. Duke folur në Stamboll, ai nuk dha menjëherë prova për numrin, por tha që do të rritet.

Policia greke po mbante mediat rreth një kilometër larg vendkalimit kufitar, por zona më e gjerë, ku të dy vendet ndahen nga një lumë, ishte më e përshkueshme.

Një grup afganë me fëmijë të vegjël u endën nëpër ujërat me lëvizje të shpejtë të lumit Evros dhe u strehuan në një kishëz të vogël. Ata kaluan në Greqi të premten në mëngjes.

Greqia kishte thënë tashmë të enjten se do të forcojë kontrollet kufitare për të parandaluar arritjen e koronavirusit në ishujt e saj, ku mijëra migrantë po jetojnë në kushte të këqija.

Gati një milion refugjatë dhe emigrantë kaluan nga Turqia në ishujt e Greqisë në vitin 2015, duke vendosur një krizë për emigracionin në Evropë, por ajo rrugë e mbyllur të gjithë, pasi Bashkimi Evropian dhe Ankaraja ranë dakord për të ndaluar fluksin në Mars 2016.