Gaza- Një sulm ajror izraelit në lagjen Al-Baraka të Gazës përgjatë kësaj jave i ka marrë jetën 11-vjeçares Yaqën Hammad (Jakin Hamaxh), influencueses dhe aktivistes më të re mediatike në Enklaven Palestinese .
Yaqën punonte ngushtë me vëllain e saj, Mohamed Hammad, duke shpërndarë ndihma për familjet e zhvendosura dhe duke dokumentuar vështirësitë e përditshme të fëmijëve palestinezë. Ajo ishte gjithashtu pjesë e Kolektivit Ounea, një organizatë jofitimprurëse palestineze që mbështet nismat humanitare në territorin e pushtuar.
Pamjet e xhiruara nga 11-vjeçarja të shpërndara në rrjetet sociale tregonin momente nga përditshmëria nën pushtimin izraelit : gatim në stufa të improvizuara apo shpërndarje ndihmash për fëmijët e zhvendosur. Një nga videot më të përhapura e tregonte Yaqën-in duke gatuar pa gaz, me mbishkrimin: “Gaza, asgjë nuk është e pamundur.”
Mijëra përdorues të rrjeteve sociale I bënë homazhe 11-vjecares e cila ishte shprehur se gjithçka që bënte në rrjetet sociale ishte që të gëzonte njerëzit në mënyrë që atë mund të harronin paksa pasojat e luftës brutale.
Sipas autoriteteve shëndetësore në Gaza, që nga tetori i vitit 2023, konflikti i vazhdueshëm ka shkaktuar vdekjen e mbi 54,000 palestinezëve, mes tyre 16,500 fëmijë.
Vdekja e Yaqën-it, një zë i guximshëm mes dhimbjes dhe shpresës, ka tronditur komunitetin ndërkombëtar dhe ka sjellë edhe një herë në qendër të vëmendjes realitetin e rëndë të fëmijëve në Gaza.
