Gazeta britanike ”Express”, shkruan sot për Shqipërinë, duke publikuar një intervistë të shkurtër të Edi Ramës, lidhur me anëtarësimin tonë në Bashkimin Europian. ”MAKTHI I BE-së/ Shqipëria kërcënon Brukselin: ”Na jepni anëtarësimin ose përgatituni për KAOS”, është titulli i prestigjozes.
”Tani kryeministri Edi Rama, një mik i vetëshpallur i Tony Blairit, ka pohuar se Ballkani mund të “çmendet” nëse roli i tyre në Europë nuk vlerësohet. Ai paralajmëroi se blloku që rrokullis ofertën e saj të anëtarësimit mund të bëjë kërdi në kontinent, duke thënë se ”alternativa do të ishte një makth për njerëzit dhe vendet e Evropës.””, shkruan ”Express”, duke ngritur pyetjen se si mund të ishte e sigurt BE, nëse Ballkani merr për keq.
SHKRIMI I PLOTË:
”BE do të përballet me një skenar “makthi” nëse nuk lejon që Shqipëria dhe shtetet e tjera të Ballkanit të bashkohen me bllokun, ka pohuar kryeministri shqiptar.
Shqipëria është një kandidate zyrtare për anëtarësimin në BE, por procesi është ngadalësuar nga blloku dhe shtetet anëtare që nuk duan të lejojnë vende të reja mes 28 anëtareve.
Tani kryeministri Edi Rama, një mik i vetëshpallur i Tony Blairit, ka pohuar se Ballkani mund të “çmendet” nëse roli i tyre në Europë nuk vlerësohet. Ai paralajmëroi se blloku që rrokullis ofertën e saj të anëtarësimit mund të bëjë kërdi në kontinent, duke thënë se ”alternativa do të ishte një makth për njerëzit dhe vendet e Evropës.”
Z.Rama tha: “Ka mungesë të të kuptuarit ose mungesë të vizionit për të mos e kuptuar se ky rajon ka nevojë për Evropën, por Evropa gjithashtu ka nevojë për këtë rajon për një Evropë të sigurt”.
“Si mund të jetë Bashkimi Europian i sigurt nëse Ballkani ”çmendet”? “Si mundet Bashkimi Evropian të lejojë në zemrën e vet një zonë gri ku aktorët e tjerë mund të kenë një ndikim më të madh sesa vetë BE-ja? “Kjo është e pakuptimtë në aspektin e sigurisë”
Kjo vjen ngaqë vendi konsideron krijimin e një bashkimi me Kosovën, e cila ka një popullsi etnike me shumicë shqiptare, pavarësisht se është e ndaluar në mënyrë eksplicite nga kushtetuta e Kosovës.
Duke folur për ”Politico”-n, udhëheqësi shqiptar pretendoi se masa mund të ishte një “alternativë e mundshme” për anëtarësimin në BE.
Rama shtoi: “Mënyra e vetme për të mbajtur Ballkanin në këtë mënyrë paqësore dhe bashkëpunuese është të vazhdosh rrugën drejt BE-së, të mbash perspektivën e qartë, të mbash emocionet pozitive rreth BE-së.”
Askush nuk dëshiron të kthehet aty ku ishte dhe të kërkojë bashkime më të vogla, të gjithë do të donin të bashkoheshin në bashkimin e madh. “Por nëse nuk ka asnjë shpresë, asnjë perspektivë, pa hapësirë, atëherë, sigurisht, mund të ndodhin bashkime të vogla”.
Ajo del pasi presidenti i Komisionit Europian Jean-Claude Juncker paralajmëroi për paqëndrueshmëri në Ballkanin Perëndimor.
Junckeri i tha zëvendëspresidentit amerikan Mike Pence muajin e kaluar: “Nëse i lëmë vetëm – Bosnje-Hercegovinë, Republika Serbe, Maqedonia, Shqipëria, të gjitha këto vende – do të kemi përsëri luftë”. (V.G/SHUPLAKA)
LEXONI SHKRIMIN NË ORIGJINAL: http://www.express.co.uk/news/world/793091/EU-Albania-membership-war-European-Union-Balkans-free-movement-Edi-Rama
VIDEO E INTERVISTËS SË RAMËS:
Discussion about this post