Gazeta e përjavshme europiane “New Europe” denoncon vilën e Vlahutin në Tiranë. Faqa e parë e saj hapet me titullin”EU paguan dyfish” (EU pays double).
Kjo gazetë e pavarur e përjavshme, “New Europe”, ka botuar që tre ditë më parë një shkrim për vilën e Ambasadores së BE në Tiranë, Vllahutin, tek Rolling Hills. Autori thekson se vila është blerë me një çmim prej 4700 euro për metër katror, ndërkohë që në atë zonë çmimet janë 1000 deri 2000 euro metri katror.
Nëse kërkon në portalin e Rolling Hills gjen të lira në shitje 3 vila të mrekullueshme për 850.000 euro/seicila. Zëdhënësja Maja Kocijancic e pyetur nga “New Europe” për këtë çështje tha se “konkluzioni pas një analize të bërë, përfshin studim tregu dhe një vlerësim të pavarur”.
Gazeta përfshin në shkrimin e saj dhe fakte të dala më parë në median shqiptare, se si kontrata e qerramarrjes para blerjes ka qenë 8000 euro/muaj kur në fakt me tregun e qerasë në zonë dhe sipërfaqen qeraja duhet të ishte rreth 4500 euro/muaj.
Kush negocioi?
Në kontratë Kreu Delegacionit Vlahutin ka firmosur. Edhe pse zëdhënësja e EU-së pretendon se negociatat kanë filluar para se Vlahutin të merrte detyrën.
Lidhjet e Shqipërisë me korrupsionin dhe Delegacioni
Kjo çështje është shumë e ndjeshme në Shqipëri , ku korrupsioni ngelet realitet . Indeksi perceptimit të Korrupsionit e rradhit Shqipërinë të 86, 1 pikë më poshtë se Mongolia dhe Zombia. Këto fakte mbi korrupsionin i thekson dhe vetë Komisioni Europian në Raportin Vjetor të 2016 ku thekson se “Korrupsioni prevalon në shumë fusha dhe vazhdon të mbetet një problem serioz”.
Duhet thënë se Delegacioni BE në Shqipëri ka një historik të sjelljes problematike. Sipas EU Observer në 2007 , 2 italianë zyrtarë u arrestuan të dyshyUar për rryshfete në prona të paluajtshme dhe kompani sigurimi në New Delhi dhe Tiranë.
Axhenda Vlahutin dhe rrethi Rama
Kërkimet për Vlahutin tregojnë se ajo ka bërë deklarata shtypit në kundërshti me pozicion zyrtar që ajo mban. Një burim në Tiranë tha për New Europe se “Vlahutin nuk e fsheh mbështetjen fshetaz të Edi Ramës”. Ndoshta duhet parë çfarë interesi ka rrethi i Edi Ramës në “Rolling Hills”. (J.V/Shuplaka)
Discussion about this post