Gazeta e njohur e qytetit të Hamburgut,”Elmshorner Nachrichten” , i ka kushtuar një artikull të veçantë dhe e ka vlerësuar lartë figurën e mbrojtësit të Kombëtares, Mërgim Mavraj.
E përditshmja gjermane, e ka quajtur Mavrajn “shef” të mbrojtjes së skuadrës së Hamburgut.
Edhe pse Hamburgu nuk po kalon momente të mira në Bundesligë dhe aktualisht pozicionohet në vendin e 16-të, me 16 pikë, kjo nuk i ka penguar cilësitë e Mavrajt që të dalin në pah.
Gazeta ndër të tjera vlerëson edhe aftësitë këshilluese të Mërgim Mavrajt, për të cilin thotë që disa herë e ka luajtur rolin e ndihmës trajnerit, duke i ndihmuar shtabit teknik për vendime. Kjo është vënë re më së shumti në ndeshjen ndaj FC Koln, skuadër në të cilën ka luajtur më parë mbrojtësi. (E.K/SHUPLAKA)
Discussion about this post