Menjëherë pas grabitjes të shënuar ditën e sotme në Rinas, ka reaguar gazetari Artan Hoxha, i cili mendon se bëhet fjalë për të njëjtët autorë që kanë kryer edhe dy grabitje me skenarë të ngjashëm më parë.
Ai ngre dyshimet se autorët e grabitjes së sotme mundet të jenë ata që grabitën në Dhjetor 2015 dhe Qershor 2016, brenda pistës së aeroportit. Këto dyshime të tij, ai i bazon tek itinerari dhe eskorta, për të cilët grabitësit kanë informacione të sakta.
Por gazetari bën përgjegjës bankat që kanë lejuar të bien pre e grabitjeve.
“Si është e mundur që bankat e nivelit të dytë që janë bërë pre e grabitjes disa herë nuk marrin masa? Duket se grabitësit e dinë mirë linjën me të cilën lëvizin paratë, itinerarin dhe eskortën që i shoqëron ato. Edhe pas tre grabitjeve nuk është ndryshuar as eskorta, as mënyra e sigurisë, ndonëse vazhdimisht policia e shtetit ka kërkuar ta ndryshojmë. Përgjegjësi kanë vetë bankat që kanë lejuar të bëhen pre e grabitjeve”,- është shprehur Hoxha.
(XH.A/SHUPLAKA)
Discussion about this post