Gazetari Artan Hoxha ka publikuar mëngjesin e sotëm fotot e kryebashkiakut të Bulqizës Lefter Alla duke konsumuar lëndë narkotike, në një ambient publik.
Pritet që në orët në vijim, gazetari të publikojë edhe videon, ndërsa më poshtë janë fotot ku shihet momenti kur kryebashkiaku është duke pirë kokainë.
Ashtu siç duket dhe nga fotot, Alla e merr lëndën narkotike i pashqetësuar, në banakun e një lokali, vendodhja e të cilit nuk bëhet ende e ditur.
Burime të sigurta bënë me dije gjatë ditës së djeshme për Faxweb.al se kryebashkiaku për të cilën kishte një video të tillë ishte ai i Bulqizës, Lefter Alla.
Familja e tij nuk është e panjohur për marrëdhëniet me lëndët narkotike, pasi në muajin Nëntor të vitit të kaluar djali i tij u arrestua nga ana e policisë në Tiranë me një sasi droge në makinën e tij.
Në momentin e arrestimit, ngjarje e cila u mbajt disa ditë e fshehtë, i biri i Allës ishte shprehur i sigurt: A nuk e njihni ju babain tim?!
Po ashtu vëllai i Lefter Allës mbeti i plagosur pas një sherri, rreth shtatorit të kaluar, ku dyshohet se ngjarja ndodhi pas përplasjeve mes grupeve kriminale në Bulqizë.
Pi drogë në ambient publik/ Faxweb.al zbulon se kush është kryebashkiaku i videos së famshme
(E.K/Faxweb.al)
Discussion about this post