Gazetari Elvi Fundo dhe drejtuesi i portalit CNA.al në një lidhje më skype për Fax News ndër të tjera foli dhe për opozitën, ku sipas tij është e shkatërruar dhe nuk fiton dot zgjedhje me Lulzim Bashën në krye.
Sipas tij nëse do të zhvilloheshin zgjedhje të parakohshme, PD nuk është akoma e organizuar dhe në sondazhe rezulton të jetë shumë poshtë.
I pyetur nga gazetari Bledian Koka si e shikoni qëndrimin e ish liderit të Partisë Demokratike Sali Berisha në këtë histori, ai deklaroi se ai duhet të marrë përgjegjësi pasi ai e zgjodhi Lulzim Bashën në krye të PD-së dhe shtoi se në biseda konfidenciale Berisha pranon se Basha është një dështim.
“Doktori ngelet ikonë e patjetërsueshme, por them kërkon që ti japë shpirtë dhe duhet të marrë përgjegjësi se ai është përgjegjës për vendosjen e Lulzim Bashës, por nuk mund ti dalë kundër publikisht. Unë di se në biseda konfidenciale e pranon se Basha është një dështim por nuk e di pse nuk ndërhyn që të japë zgjidhje. Basha nuk frymëzon, frymëzon vetëm Berisha atje. Më vjen keq se e shikoj që edhe vetë Berisha është në siklet të madh.”-u shpreh Fundo.
(M.Q/Faxweb)
Discussion about this post