Djali i kryeministrit, Edi Rama, Greg Rama në një postim në rrjetet sociale ku shprehu ngushëllimin ndaj viktimave të tërmetit, tregoi se mes tyre ishte dhe një e afërmja e tij.
Ndërkohë është zbuluar se kush ishte mikja, e Greg Ramës. Ajo është Kristi Reçi, stdudentja e mjekësisë e cila u nxorr e pajetë nga rrënojat e pallatit me familjarët e saj, vëllanë 22-vjeçar, dhe të dy prindërit.
Një tërmet me magnitudë 6.4 ballë tronditi vendin mëngjesin e datën 26 nëntor, ku paraprakisht raportohet se kanë humbur jetën 31 persona dhe mbi 650 të tjerë janë të lënduar.
Mbrëmjen e sotme teksa isjhte duke dhënë një intervistë për Sokol Ballën, Edi Rama është pyetur se cila ishte lidhja e tij me viktimën e tërmetit, për të cilën fliste djali I tij.
Rama tha se ndodhej në një pozicion të vështirë pasi për të të gjithë ata që ishin prekur nga tragjedia ishin njësoj dhe pas kësaj, në mes të fjalisë është përlotur dhe është larguar papritur duke e lënë gazetarin në një situatë të papërgaditur.
“Nuk dua të flas për gjëra që lidhen me aspekte personale dhe gjëra të djalit. Unë sot jam në një pozitë të pamundur ta shpjegoj. Ndoshta është shumë e vështirë që të kuptohet nga ata që e konsiderojnë politikën një mizerabilitet apo një instrument për të vjedhur. Dhe që kujtojnë se të gjithë jemi njësoj, dhe që kujtojnë se unë rri këtu dhe po jap mish e shpirt për lekë, por miqësia imë është shumë e fortë dhe unë i kam të gjithë këta njerëz të prekur si Gregun. Isha me…”,– tha kryyeministri që më pas largohet nga intervista.
(F.GJ/FAXWEB.AL)
