Një video direkte e gazetarit Will Reeve me televizionin amerikan “ABC News” ka bërë xhiron e rrjetit ditën e sotme.Gjithçka dukej normale teksa Reeve raportonte nga shtëpia për shkak të emergjencës Covid-19.
Mirëpo, në një moment kamera e gazetarit ka lëvizur më lart duke filmuar pjesën e poshtme të trupit të tij, e cila më herët nuk dukej në ekran.
Ndërkohë që kishte veshur këmishë dhe xhaketë, gazetari u shfaq nga mesi e poshtë pa pantallona dhe ky moment i sikletshëm nuk kaloi pa u vënë re nga shikuesit.U kuptua qartë që gazetari ishte veshur vetëm për lidhjen direkte dhe në fakt, s’kishte pse të vishte pantallona në shtëpi. Gabimi i tij i vetëm ishte që padashur ia tregoi botës këtë detaj!
Megjithatë, Reeve e ka marrë me sportivitet situatën dhe ka ironizuar me humor veten për pamjet që janë përhapur në rrjet.
