Vjedhja e makinës me para ditën e djeshme në ‘’Qafë Kashar’’ ka ngjallur reagime të shumta edhe në rrjetet sociale. Gazetarë, qytetarë të njohur dhe të panjohur kanë shprehur dyshimet e tyre në lidhje me ngjarjen.
Nuk ka munguar as ironia, dhe sesi ngjarje të tilla të kryhen ditën për diell dhe askush të mos mbajë përgjegjësi. Një gjë të tillë ka bërë edhe gazetari Denis Dyrnjaja, i cili thotë se autorët do jenë duke pirë kafen e mëngjesit nën shoqërinë e gazetave për lajmet mbi ta.
‘’Një ditë më pas,
Grabitësit çohen pak të përgjumur se kanë ndenjur deri vonë duke festuar dhe argëtuar me fantazitë televizive sesi e kryen aksionin. Përveç të tjerave duhet të merren edhe me gazetat tani duke pirë kafen e mëngjesit. Pastaj duhet të mendojnë se ku do kalojnë fundjavën për të kaluar jo stresin e aksionit të grabitjes së parave, por lodhjen mendore që të shkakton rokopuja mediatike.
Po të ishin dinjitozë mund të kishin bërë ndonjë falënderim bankës, policëve privat dhe shtetëror që ia bënë më të lehtë këtë aksion!’’, shkruan Dyrnjaja.
Duhet thënë se një ngjarje e tillë nuk mund të bëhet pa bashkëpunimin e një zinxhiri të tërë njerëzish. (E.K/SHUPLAKA)
Discussion about this post