Gazetari i BBC tregon se si po digjen qindra shtëpi të myslimanëve në Mianmar

Mijëra myslimanë Rohingya, të xilët janë larguar nga Bangladesh për shkak të dhunës së forcave ushtarake të shtetit të tyre, Myanmarit.

“Forcat ushtarake dhe budistët po shkatërrojnë fshatrat” shprehen banorët

Ndërkohë qeveria e refuzon këtë, duke thënë se militantët dhe banorët myslimanë janë duke djegur fshatrat e tyre.

Korrespondenti i BBC-së në Azinë Juglindore, Jonathan Head, thotë se pa një fshati mysliman që sapo ishte vendosur në zjarr, me sa duket nga një grup budistësh Rakhine.

PËRSHKRIMI I PLOTË I GAZETARIT:

Unë jam pjesë e një grupi gazetarësh të ftuar nga qeveria e Mianmarit për të parë situatën në terren në Maungdaë. Kushtet për t’u bashkuar me këtë udhëtim janë që ne të qëndrojmë në grup dhe të mos dalim në mënyrë të pavarur. Ne shkojmë në vendet që qeveria ka përzgjedhur.

Kërkesat për të shkuar në zona të tjera me interes, madje edhe afër, u refuzuan si të pasigurta.

Ne ishim duke u kthyer nga një vizitë në qytetin e Al Le Than Kyaë, në jug të Maungdaë, i cili ende është duke u djegur.

Policia tha se banorët myslimanë i dogjën shtëpitë e tyre, megjithëse shumica e tyre u arratisën pasi militantët e ushtrisë së shpëtimit të Rohingya Arakan sulmuan postën e policisë në qytet më 25 gusht. Ndërkohë që pamë të paktën tre kolona tymi në distancë në veri dhe dëgjuam zjarr sporadik të armëve automatike.

Ndërsa po ecnim, një grup të rinjsh, burra me muskuj që mbanin hanxhar dhe  shpata dilnin jashtë. U përpoqëm t’u bënim pyetje, por refuzuan të filmoheshin.

Sidoqoftë, kolegët e Mianmarit flisnin me ta larg nga kamerat dhe ata thanë se ishin budistë Rakhine. Njëri prej tyre pranoi se kishte ndezur zjarret dhe tha se kishte ndihmë nga policia.

Çfarë nxiti dhunën e fundit në Rakhine?

Fotografitë e rreme nxisin tensionin

Ndërsa ecëm më tutje, pamë shkollën fetare të Medresesë, e cila në çatinë e saj kishte vetëm zjarr.  Flakët u përhapën në një shtëpi tjetër përballësh dhe brenda tri minutash u shkrumbua.

Nuk ishte askush tjetër në fshat. Këta njerëz që pamë ishin autorët. Mallrat shtëpiake u shpërndanë nëpër rrugë; lodra për fëmijë, veshje të grave. Ne pamë enë të zbrazura nga benzina dhe një tjetër që mbante pak karburant në mes të një shtegu.

Me kalimin e kohës, të gjitha shtëpitë ku kishte zjarr u shkatërruan.

(S.SH/Shuplaka)