Gazetari Bledian Koka ka komentuar mbi mosarritjen e një marrëveshjeje politike mes palëve pavarësisht se akoma nuk ka asnjë deklaratë zyrtare nga Basha dhe Rama pas tentativave të sotme.
“Dita e sotme tregoi edhe njëherë se Basha nuk ishte problemi, dhe Rama nuk ishte zgjidhja. Këtë e morën vesh edhe diplomatët qe nuk e kanë emrin Romana. Këtë e morën vesh edhe amerikanët që u nxituan duke mbështetur zgjedhje pa opozitën.
p.s…Në këtë pikë, i bëj thirrje Edi Ramës të pranojë marrëveshjen, t’i hapë rrugë Vettingut dhe të mos i dalë në mbrojtje gjykatësve e prokurorëve të korruptuar”,-shkruan Koka.
POSTIMI:
Ç’emër t’i vemë djalit o…
Edi Rama pranon marrëveshjen McAllister, por nuk pranon që t’i japë afat marrëveshjes të vihet në jetë. Lulzim Basha ka pranuar të votojë edhe Vettingun, por sërish Edi Rama nuk pranon të lëshojë datën 18 Qershor. Thënë kjo, ndërsa paketa parashikonte shtyrjen e zgjedhjeve në 16 Korrik, amerikanët kanë propozuar 23 korrikun si zgjidhjen e arsyeshme, por sërish Rama po mban peng marrëveshjen me 18 Qershorin.
Dita e sotme tregoi edhe njëherë se Basha nuk ishte problemi, dhe Rama nuk ishte zgjidhja. Këtë e morën vesh edhe diplomatët qe nuk e kanë emrin Romana. Këtë e morën vesh edhe amerikanët që u nxituan duke mbështetur zgjedhje pa opozitën.
p.s…Në këtë pikë, i bëj thirrje Edi Ramës të pranojë marrëveshjen, t’i hapë rrugë Vettingut dhe të mos i dalë në mbrojtje gjykatësve e prokurorëve të korruptuar.
Basha sot ka pasur një takim në mbrëmje në selinë blu me aleatët parlamentarë të cilët pas përfundimit të mbledhjes nuk kanë dhënë detaje nga takimi. Mësohet vetëm se Rama është tërhequr nga paketa McAllister.
(M.D/Shuplaka)
