Gazetari i njohur Sokol Shameti, pas tërheqjes së kryeministrit Edi Rama nga gara për zgjedhjet në Kavajë, e ironizon këtë të fundit duke e quajtur Ilo Pinci.
Në një shkrim në rrjetet sociale, Shameti i kujton kryeministrit pohimet e tij më të forta, siç ishte edhe data e zgjedhjeve në Kavajë 7 maj, që për të nuk kishte diskutim. Deklaratë nga e cila u tërhoq, pasi tanimë vetëm zgjedhje nuk do të ketë më në Kavajë.
“Thënie lapidare të specialistit të midhjes dhe peshkut, Ilo Pinci:
1-Elvis Roshi ka bërë atë që bën çdo emigrant në moshë rinore.
2- Saimir Tahiri është kampioni i qeverisë.
3-Zgjedhjet në Kavajë do të zhvillohen më 7 maj.
4- Zgjedhjet e përgjithshme do të zhvillohen më 18 qershor.”, shkruan Shameti, duke lënë të nënkuptohet se edhe data për zgjedhjet parlamentare mund të shtyhet.
Sot kryeministri Edi Rama, u bëri thirrje kandidatit të PS-së dhe kandidatit të pavarur për bashkinë e Kavajës, thirrje e cila pati një përgjigje nga të dy. Edhe Klodian Shehi edhe Astrit Haka, u tërhoqën nga gara. (D.D/Shuplaka)
Discussion about this post