Pas deklaratave të ambasadorit Lu, gazetari Armand Bajrami i ftuar mbrëmjen e sotme në emisionin ‘Opinion’ në “Tv Klan” ka thënë se bëhet fjalë për një strukturë kriminale, me persona që kanë pozicione të caktuara në grup.
“Bëhet fjalë për interesa të ndërthurura, fuqi financiare e fortë, përfshirje tentakula në pushtet, në pushtetin gjyqësor, në polici në prokurori dhe politikë.
Ajo çka mu duk ulëritëse ishte fakti tek gama e veprave penale që ai etiketoi këto familje kriminale është edhe pastrimi i parave. Çka do të thotë organizatat kriminale janë instaluar në biznesin vendas”, tha ai.
Ndër të tjera shton se “Klanet mafioze po gjenerojnë të ardhura në vend duke u instaluar në biznesin e ligjshëm falë kontakteve dhe mbështetjeve politike që kanë biznesmenë në vend”, tha Bajrami.
(S.SH/Shuplaka)
