Gazetari në mbrojtje të ambasadorit Lu: Manjani dhe Llalla kanë folur e flasin, njëri pasi la detyrën, tjetri teksa po e le

I shtyrë nga situata politike e ditëve të fundit, karakterizuar nga përplasja më e re, ajo mes kryeprokurorit Llalla dhe ambasadorit Lu, gazetari Basir Çollaku mbështet ambasadorin amerikan.

Sipas tij, Donald Lu ka kontribuar kundër krimit më shumë se sa Prokuroria, Parlamenti dhe Qeveria. Për Çollakun, ishte këmbëngulja e Lu-së që bëri të mundur ligjin e Dekriminilazimit, që nxorri frikën e përmendjes dhe më pas arrestimet e emrave si Shullazi, Dajti e të tjerë të inkriminuar.

Gazetari vijon më tej duke u ndalur tek Ylli Manjani, teksa shprehet se ministri i Drejtësisë duhej ta kishte kallëzuar publikisht mbledhjen e qeverise pa ministra madje mund te kishte dhënë dorëheqjen për të mos qenë pjesë e kësaj qeverie që mblidhet me karrike bosh.

Sa për kryeprokurorin Llalla, Çollaku shprehet se ai ka produktin më të dobët në atë detyrë se çdo pasardhës.

Ai thekson në fund se nëse diplomatët kanë kërkuar arrestime te politikaneve dhe zyrtarëve të lartë kane bërë gjënë e duhur.

Shkrimi i plotë i Basir Çollakut

Donald Lu, ka kontribuar kunder krimit me shume se Prokuroria, Parlamenti dhe Qeveria…

Ka nje diference te madhe ne kete rrebesh akuzash dhe pretendimesh. Ambasadori amerikan Donald Lu, ka folur dhe flet ne detyre, duke qene konkret ne pjesen derrmuese te pretendimeve. Kembengulja e tij beri te mundur ligjin e dekriminalizimit. Drejtperdrejtesia e tij nxori friken e permendjes e me pas arrestimeve te emrave te Shullazit, Dajtit, e shume te inkriminuarve te tjere me pushtet. Manjani dhe Llalla, kane folur dhe flasin, njeri pasi la detyren e tjetri teksa po e le. Ministri i Drejtesise duhej ta kishte kallezuar publikisht mbledhjen e qeverise pa ministra madje mund te kishte dhene doreheqjen per te mos qene pjese e kesaj qeverie qe mblidhet me karrike bosh. Llalla jo per fat te mire ka produktin me te dobet ne ate detyre se çdo paraardhes. Dje ne intervisten e Prokurorit te Pergjithshem, nuk mungoi politika por munguan faktet konkrete. Meqe jane bashkepunetore te Sigurimit ne hartimin e ketij drafti te Reformes Prokurori i ka instrumentet te flase me dokument konkret dhe te shoqeronte me shkrese akuzen e tij dhe jo te bente deduksion. Ndaj ne kete rremuje te qarte per nga konteksti por jo teksti, ambasadori amerikan Donald Lu, ka kontribut ne luften ndaj krimit me shume se Parlamenti, Prokuroria dhe Qeveria… Nese diplomatet kane kerkuar arrestime te politikaneve dhe zyrtareve te larte kane bere gjene e duhur. Madje shume prova ata i kane sjelle nga sherbimet partnere.

(XH.A/SHUPLAKA)