Vetëm para pak orësh, kreu i bashkisë Erion Veliaj sqaroi se takimi aq shumë i diskutuar me prokurorin Petrit Fusha para disa ditësh ka qenë rastësor.
Por vetëm pak minuta më parë, deklaratës së Veliajt i është përgjigjur me ironi gazetari Flamur Vezaj.
Gazetari i njohur rendit disa arsye se pse ky takim mes Veliajt dhe Fushës nuk mund të quhet rastësor.
“Ndaje mendjen lali…
Takim rastësor quhet kur prokurori ulet vetëm dhe nuk porosit kafe se po priste personin tjetër (lali Erin)… pas disa minutash vjen lali dhe ulen sëbashku në një cep të lokalit se nuk kishin asgjë për të fshehur… Më pas porosisin sallatën, birrën etj.
Bëjnë muhabet me këmbë e me duar për 30 minuta dhe më pas ndahen të lumtur pa paguar faturën…
Ky po që quhet takim rastësor… që më vonë doli se takohet shpesh për të bërë zap shkelësit e ligjit edhe me zyrtarë të tjerë por jo në cepa lokali etj, etj.”, shkruan Vezaj.
Më pas ai shton me shaka: “P.S, Po u takuam rastësisht do na japësh drekë o lali”.
Prokurorin Petrit Fusha po punon me 5 dosje (që dihen) të hapura për kreun e Bashkisë Erion Veliaj, për këtë arsye fotoja e tyre duke drekuar hapi shumë debate. (D.D/Shuplaka)
