Mbrëmjen e djeshme u mbajt një koncert në Romë në nder të heroit tonë kombëtar Gjergj Kastrioti Skënderbeut ku ishin mbledhur emrat më të njohur si Inva Mula, Dua Lipa, Reme Lahaj, Genc Tukiçi, Kledi Kadiu, Olen Çezari, Elhaida Dani, Lorik Cana, Eno Peci dhe Erza Muqolli, artistët që kanë bërë krenarë shqiptarët në mbarë botën me talentin e tyre.
Të gjithë të veshur me të zeza për t’u përshtatur sa më shumë me ambientin, artistët shqiptarë dukeshin shumë elegantë.
Ndër shumë shqiptar në koncert ka marrë pjesë dhe gazetari i njohur Drini Zeqo. Drini ka postuar në Instagram një foto me këngëtaren më të famshme për momentin Dua Lipa, e cila për asnjë çast nuk e ka mohuar origjinën e saj.
Por ajo që ka spikatur tek fotoja, e cila u pëlqye shumë, kanë qenë komentet e ndjekësve, të cilët kanë vënë re një detaj që po i bën të qeshin shumë.
Mes Dua Lipa-s dhe Drinit ndodhet një vogëlush i cili po sheh te kamera, por mimika e tij ka bërë komentuesit që të shkruajnë më shumë për të sesa për këngëtaren dhe gazetarin.
Discussion about this post