Gazetari Ilir Kadia ka rrëfyer sot momentin e vështirë që ka pasur gjatë një interviste me peshëngritësin Erkand Qerimaj. Ai thotë se është ndjekë keq në një moment teksa Qerimaj i tregonte për humbjen e babait të tij.
‘’ Erkand Qerimaj, në moshën e djemve të mij, bëri që koka të më bjerë në gjoks si kalli gruri rënduar nga pesha para se… të korret!”, kështu shkruan mes të tjerash gazetari, ku nuk mungon me vlerësimet e tij për kampionin.
“Kokëulur para Kampionit! Po intervistoja Erkand Qerimaj këtë mëngjes. I vetmi Kampion Bote për të rinj në peshëngritje dhe i katërti sivjet për të rritur në Botërorin e Amerikës dy javë më parë. Mes mijëra peshëngritësve i katërti!!! Uauu!
“Nuk e pata të lehtë, tha. Nuk ishte vetëm shtanga sivjet”. “Ç’farë tjetër?!” -e pyeta. “Më pak se gjashtë muaj më parë humba babanë”. E ngushëllova instiktivisht. Pastaj kur mbaruam intervistën, në kafe, e pyeta se sa vjeç ish babai. 68 vjeç, tha ai. Unë ula kokën.
Me siguri do jem skuqur. Babai im ishte njëzet vjet më i madh dhe unë akoma nuk i kam vendosur ekuilibrat në jetën e përditëshme.Dhe ndjeva teprinë që ndër miq e shokë kam bërë me përcjelljen e ndjenjës së plagosur në publik. Dhe e mendova Erkand Qerimajn në Anehajm të SHBA si një superman duke ngritur pa fjalë dhimbjen e rëndë mal të humbjes së babait dhe hekurat e rëndë sa një vagon treni.
Erkand Qerimaj, në moshën e djemve të mij, bëri që koka të më bjerë në gjoks si kalli gruri rënduar nga pesha para se… të korret!”, shkruan Kadia në rrëfimin e tij.
(E.K/FAXWEB)
Discussion about this post